الثقافة الجنسية: طول القضيب

طول القضيب كيتعتبر موضوع مهم بالنسبة لينا بالحكم انه العضو الاساسي فالعلاقة الجنسية و كيشكل احراج للبعض و عقدة لشي نوع من الرجال .... ولكن علاش ؟

اغلبية الناس كيستمدو المعلومات الجنسية من افلام البورنو و اللي هي بطبيعة الحال غالطة ، و بشكل كبير ، و كيعيش حياتو حاس بالنقص و المشكل ان هاد الموضوع غير متداول و و كتبقى ديك الفكرة اللي واخدها على راسو كيما هي ، بل و كاتزاد كل مرة ، و هذا هو المشكل و هادشي لاش بغيت نشرح هاد الامر .

الطول العادي للقضيب اللي صالح للعلاقة الجنسية بكل تاكيد و اللي توصلو ليه الاطباء و الباحثين عن طريق احصاءات فبزاف الدول فالعالم هي كالاتي : 

ما بين 9-9,5 سونتيمتر فحالة الارتخااء ، و 12,8-14,5 فحالة الانتصاب ، و السمك او المحيط ما بين 8,5-9 فحالة الارتخاء و 10-10,5 فحالة الانتصاب و هادو فقط معدلات و كاين بعض الانواع اللي فحالة الارتخاء كيكون قصير و فالانتصاب كتزاد بزاف و كاين اللي الشكل و الطول ما كيتغيرش بزاف بين الحالاتين ، يعني ما تحكميش عليه فالارتخاء يقدر يفاجئك يا سيدتي و فهاد الدراسة نيت دارو مقارنة بين الدول دات اقصر و اكبر معدل ، و اللي جات النيبال بمعدل 9,30 كاقصر طول و الكونغو ب 17,93 فالمرتبة الاولى (ديما افريقيا و تحية ليهم ) .

فبعض الحالات كيكون طول القضيب اقصر من المعدل و مكيساعدش باش تكون علاقة متكاملة بين الزوجين و بعض الاطباء كيعطيو بعض الادوية و الكريمات او فبعض الحالات كيديرو جراحة و كيمددوه ، و لكن كيقدر يشكل خطورة على الانتصاب ديالو و هذا مشكل اخر .

اللي بغيت نوصل لك هو انه الطول مكيشكلش فارق كبير بل الطريقة الممارسة حيت اصلا طول المهبل كيكون ما بين 8 الى 14 سونيميتر و G Spot كتبعد ما بين ثلاثة الى اربع سونتيميترات فقط على فم المهبل يعني انه الطريقة ديالك فالممارسة هي الاهم ، و نقطة اخرى هي شكل القضيب ،بحيت انه الشكل المثالي هو شكل البنانة حيت كيسهل حصول تماس بينه و بين G spot , و بالتالي الوصول للرعشة الجنسية للمراة و لكن كاين اوضاع كتوصل كذلك واخة ميكونش هاد الشكل .

ما يمكنش نهدرو على هاد الموضوع بلاما نشوف الراي ديال الجانب الاخر واحد المجلة علمية سميتها plos one دارت تجربة و جابو مجموعة كتكون من 75 مراة و 33 شكل من القضيب بطول و سمك مختلف و تم الاختيار بنسبة كبير للقضيب لي طول ديالو 16,3 و السمك 12,7 سونتيميتر ، يعني حتى ديك الفكرة اللي كتطن انه المراة كتبغيه يكون ضخم و داكشي را ماشي كلشي و داكشي غي هدرة كتبقى دور فالكواليس و لا اساس لها من الصحة . 

القضيب الى كان كبير بزاف كيشكل احراج فقط و متبقاش تيق بداكشي لي كتشوف فافلام البورنو و كيما قلت فموضوع سابق عليه، هاداك غي تمثيل و كيجيبو حالات شادة , سواء الطول او كمية المني اللي كيرمي او مدة العلاقة الجنسية الي كتبقو ساعة و اكثر ، هاداكشي كامل ممنوش و مكاينش ، وملي تشك فشي حاجة بحث را كلشي كاين.